Wasanii wa hip hop wamefanya kawaida Mwaka hu wa 2017 – Kala Jeremiah

Kala Jeremiar amesema kwa mwaka 2017 ambao upo ukingoni wasanii wengi wa hip hop wamefanya kawaida.

Katika mahojiano na E-Newz ya EATV amesema hilo limesababishwa na wasanii wenyewe kutaka kufanya aina ya muziki ambao wanaamini ni wa kibiashara kitu ambacho hakina ukweli.

“Mwaka 2017 wasanii wengi wa hip hop wamefanya hip hop fulani za kawaida sana, siwezi hata nikaita hip hop wapo wachache ambao wameendelea kuwepo kwenye uhalisia lakini wengi ambao hata tulikuwa hatajawategemea wameanza kufuata mkumbo na wameanguka” amesema Kala Jeremiar.

“Ningeomba mwaka 2018 wasanii wa hip hop hata kama tunachanganya tusisahau utamaduni wa hip hop kwa sababu ni muziki wa msingi katika muziki wowote tunaoufanya Tanzania” ameongeza.

Kala ameendelea kwa kusema kuna wasanii walikuwa wanakuja na uwezo mkubwa wa kuchana lakini nao mwaka 2017 wamepiga vitu fulani laini.