Mtoto alie kuwa shabiki wa Sunderland ya Uingereza Bradley Lowery amefariki dunia.

Shabiki huyo mtoto wa Sunderland aligundulika kuwa ana kansa akiwa na umri wa miezi 18 lakini amefariki leo akiwa na umri wa miaka 6, taarifa za kifo cha Bradley kimetolewa kupitia mitandao ya kijamii na wazazi wake.

Mwanzoni kabla ya madaktari hao kutangaza kushindwa kutibu Lowery, ilidaiwa kuwa matibabu ya mtoto huyo yatagharimu kiasi kisichopungua bilioni mbili ambapo timu za Everton, Man City na Sunderland pamoja na wadau wengine walijitolea kumchangia lakini baadae jopo la madaktari lilitoa taarifa ya kushindikana kwa matibabu hayo.

      Mtoto Bradley Lowery akiwa na mama yake mzazi Gemma Lowery

Mtoto huyo aliyekuwa na umri wa miaka sita alikuwa akisumbuliwa na maradhi ya kansa kwa muda mrefu hali iliyofikia mpaka madaktari kutangaza kushindwa kumtibia kwa madai kuwa tayari imeshafikia katika hali mbaya. Madaktari hao walidai kuwa Jumamosi ya February 11 ya mwaka huu ndio ungekuwa mwisho wa Bradley kuishi duniani lakini jambo hilo halikuwa kama walivyofikiria.