Rapper Cassper Nyovest ajaza uwanja mpira Afrika Kusini

Rapper Cassper Nyovest kutoka nchini Afrika Kusini jana usiku ameweka historia nchini humo kwa kujaza watu uwanja wa mpira wa miguu wa Soccer City uliopo jijini Johannesburg.

Show hiyo ambayo alianza kuipromoti kuanzia mwanzoni mwa mwaka huu kwa kutumia hashtag ya #FillUpFnbStadium imehudhuriwa na watu 68,000 waliokata tiketi ambapo bei za tiketi ya chini ziliuzwa Rand 100 sawa na Tsh 16,000/= na tiketi za bei ya juu ziliuzwa kwa Rand 500 sawa na Tsh 81,000/= na mpaka jana tiketi zilikuwa zimeisha.

Cassper Nyovest amepongezwa na Viongozi wa serikali na wasanii wenzake kama Rapper Riky Rick, Naeto C, Jay Nine na Waziri wa mambo ya ndani wa nchi hiyo, Mbalula Fikile.